काठमाडौं, २३ वैशाख । झापाको शिवसताक्षी नगरपालिका–९ स्थित चिल्लागढ धाम नजिक कलेज बस दुर्घटना हुँदा चार जना घाइते भएका छन् ।
ब्याङडाँडाबाट विर्तामोडतर्फ जाँदै गरेको बस अनियन्त्रित भई सडक छेउमा पल्टिँदा दुर्घटना भएको प्रहरीले बताए ।
बसमा चालकसहित पाँच जना सवार थिए । घाइतेहरूको विर्तासिटी अस्पताल, विर्तामोडमा उपचार भइरहेको छ ।
घटनापछि बस चालकलाई प्रहरीले नियन्त्रणमा लिएको छ भने दुर्घटनाबारे थप अनुसन्धान भइरहेको छ ।
