काठमाडौं, २३ वैशाख । नेपाल विद्युत् प्राधिकरणको निमित्त कार्यकारी निर्देशकमा दीर्घायु श्रेष्ठ नियुक्त भएका छन् ।
ऊर्जा, जलस्रोत तथा सिंचाइमन्त्री विराजभक्त श्रेष्ठले उनलाई उक्त जिम्मेवारी दिएको छ ।
श्रेष्ठ यसअघि प्राधिकरणको वितरण तथा ग्राहक सेवा निर्देशनालयमा उपकार्यकारी निर्देशकका रूपमा कार्यरत थिए ।
यसअघिका कार्यकारी निर्देशक हितेन्द्र देव शाक्य भने सार्वजनिक पदाधिकारी पदमुक्तिसम्बन्धी अध्यादेशअनुसार पदमुक्त भएका थिए । त्यसपछि श्रेष्ठलाई उक्त पदमा नियुक्त गरिएको हो ।
