काठमाडौं, २३ वैशाख । नेपाल उद्योग वाणिज्य महासंघको ६०औं साधारणसभाबाट नयाँ कार्यसमिति चयन भएको छ ।
विधानअनुसार अञ्जन श्रेष्ठ स्वतः अध्यक्ष बनेका छन् । जिल्ला, नगर उद्योग वाणिज्य समूहबाट कृष्णप्रसाद शर्मा र दिलसुन्दर श्रेष्ठ उपाध्यक्षमा निर्वाचित भएका छन् ।
वस्तुगत र एसोसिएटतर्फ पनि उपाध्यक्षसहित विभिन्न समूहका प्रतिनिधिहरू चयन भएको छ । त्यसैगरी जिल्ला–नगर, वस्तुगत, एसोसिएट तथा प्रदेश समूहबाट कार्यसमिति सदस्यहरू पनि निर्वाचित भएका छन् । महासंघको नयाँ नेतृत्वले आगामी तीन वर्ष कार्यकाल सम्हाल्नेछ ।
