काठमाडौं, २० वैशाख । काठमाडौंमा सरकारले नदी किनारका जोखिमयुक्त बस्ती स्थानान्तरण क्रममा छुटेका नागरिकलाई सम्पर्कमा आउन आह्वान गरेको छ ।
शहरी विकास मन्त्रालयले दशरथ रंगशाला लाई प्राथमिक दर्ता केन्द्र तोकी त्यहाँ उपस्थित भएर दर्ता गर्न अनुरोध गरेको छ ।
सरकारद्वारा होल्डिङ सेन्टरमार्फत आवास, भोजन, स्वास्थ्य, शिक्षा र मनोवैज्ञानिक सेवा उपलब्ध गराइने व्यवस्था गरिएको छ ।
वास्तविक भूमिहीन र असहाय नागरिकलाई सेवा लिन आग्रह गरिएको छ ।
