जनकपुर, २० वैशाख । जनकपुरमा विश्व प्रेस स्वतन्त्रता दिवस -मे ३) को अवसरमा प्रभातफेरी कार्यक्रम आयोजना गरिएको छ ।
नेपाल पत्रकार महासंघ धनुषाको कार्यालयबाट सुरु भएको उक्त कार्यक्रम शहरका विभिन्न स्थान परिक्रमा गर्दै सम्पन्न भएको हो । कार्यक्रममा जिल्लाका विभिन्न सञ्चार माध्यम तथा सम्बन्धित संघ–संस्थामा कार्यरत पत्रकारहरूको सहभागिता रहेको थियो ।
यस दिवसको सन्दर्भमा सन् १९९१ मा अफ्रिकी राष्ट्र नामिबियाको विन्डहकमा आयोजित पत्रकार सम्मेलनले …बहुलवादी र स्वतन्त्र प्रेसका लागि विण्डहक घोषणापत्रÚ जारी गरेको थियो।
त्यसकै सम्झनामा संयुक्त राष्ट्रसंघले सन् १९९३ देखि हरेक वर्ष मे ३ लाई विश्व प्रेस स्वतन्त्रता दिवसका रूपमा मनाउने निर्णय गरेको हो। यस अवसरमा विश्वभर तथा नेपालमा पनि प्रेस स्वतन्त्रताको महत्वबारे विविध कार्यक्रम गरी मनाइँदै आएको छ ।
