काठमाडौं, १८ बैशाख । नेपाली कांग्रेसका सभापति गगनकुमार थापाले सरकारसँग स्पष्ट बहुमत भए पनि “खतरनाक भ्रम”मा रहेको टिप्पणी गरेका छन् ।
नेपाल ट्रेड युनियन कांग्रेसको कार्यक्रममा बोल्दै उनले लोकतन्त्रमा “रुल अफ ल” (कानुनको शासन) र “रुल बाइ ल” (कानुनलाई शासनको साधन बनाउने) बीच मौलिक फरक रहेको बताए ।
थापाले नेपाली कांग्रेसलाई जनताले पाँच वर्ष प्रतिपक्षको भूमिका निर्वाह गर्ने म्यान्डेट दिएको उल्लेख गर्दै सभ्य, विनम्र तर दृढ रूपमा सरकारको कामको निगरानी गर्ने बताए।
साथै, प्रतिपक्षले प्रश्न उठाउने, खबरदारी गर्ने र विकल्प दिने जिम्मेवारी निभाउनुपर्ने उनको भनाइ थियो ।
