काठमाडौं, १८ वैशाख । काठमाडौं महानगरपालिकाले बल्खु क्षेत्रमा अनाधिकृत रूपमा बनाइएका घर टहरामा डोजर चलाएर हटाउने अभियान सुरु गरेको छ ।
वडा नं. १४ को बल्खुसँगै वंशीघाट -वडा ११) लगायत अन्य अतिक्रमित क्षेत्रहरूमा पनि संरचना भत्काइएको छ । प्रशासनले सुरक्षा निकाय र नगरप्रहरी परिचालन गरी बिहानदेखि अभियान सञ्चालन गरेको हो ।
डोजर चल्दै गर्दा कतिपय बासिन्दाले सामान सारिरहेका छन् भने केहीले आफ्नै घर भत्किएको दृश्य हेर्न बाध्य भएका छन् । जिल्ला प्रशासन कार्यालय काठमाडौंले नदी किनार तथा सार्वजनिक/निजी जग्गा अतिक्रमण गरी बसेका बस्ती हटाउने योजना अन्तर्गत वैशाख १८ गतेदेखि एकैपटक अभियान सुरु गरेको जनाएको छ ।
यसअघि पनि थापाथली, सिनामंगललगायत क्षेत्रमा यस्तै कारबाही भइसकेको थियो ।
