काठमाडौं, १७ वैशाख । स्वतन्त्र सांसद महावीर पुनले सरकारले अध्यादेशमार्फत भए पनि काम अघि बढाउनुपर्ने बताएका छन् ।
विपक्षी दलहरूले अध्यादेशको विरोध गरिरहेका बेला उनले सरकारलाई काम गर्न दिन र अनावश्यक …किचकिचÚ नगर्न आग्रह गरेका हुन् ।
सामाजिक सञ्जालमार्फत उनले विगतमा ऐन–कानुनकै कारण विकासका काम अवरुद्ध भएको आफ्नो अनुभव सुनाउँदै अध्यादेश आवश्यक रहेको उल्लेख गरे ।
सरकारले सार्वजनिक नियुक्ति पारदर्शी बनाउने, सहकारी समस्या समाधान गर्ने, सार्वजनिक सेवा र निर्माण कार्य तीव्र बनाउने तथा विभिन्न कानुनी अवरोध हटाउने उद्देश्यले विभिन्न अध्यादेश राष्ट्रपतिसमक्ष सिफारिस गरेको छ ।
