काठमाडौं, १६ बैशाख । प्रतिनिधिसभाकी उपसभामुख रुबीकुमारी ठाकुर बेहोस भएपछि किष्ट मेडिकल कलेजमा भर्ना गरिएको छ ।
अस्पतालका अनुसार उनलाई बिहान बेहोसी अवस्थामै उपचारका लागि अस्पताल ल्याइएको थियो । अघिल्लो रात ज्वरो आएको र बिहान अस्पताल आइपुग्दा रगतमा चिनीको मात्रा अत्यन्तै कम देखिएको बताइएको छ ।
प्रारम्भिक उपचारपछि उनको होस खुलेको छ भने स्वास्थ्य अवस्था हाल स्थिर रहेको चिकित्सकहरूले जनाएका छन् । उनी अहिले विशेषज्ञ चिकित्सकहरूको निगरानीमा उपचाररत छिन् ।
उनको स्वास्थ्यमा समस्या आउनुको यकिन कारण पत्ता लगाउन थप परीक्षणहरू पनि जारी रहेको अस्पतालले जनाए ।
