काठमाडौं, १४ वैशाख । नेपाली कांग्रेसले आज संसदीय दलको नेता चयन गर्ने तयारी गरेको छ ।
बिहान ११ बजे केन्द्रीय कार्यसम्पादन समिति र दिउँसो १ बजे संसदीय दलको बैठक बस्दैछ । सभापति गगनकुमार थापा ले कार्यसम्पादन समिति बैठकमा दलको नेताको नाम घोषणा गर्ने र त्यसलाई संसदीय दलबाट अनुमोदन गराउने तयारी छ ।
यद्यपि, सर्वसम्मत चयन गर्ने प्रयास भइरहेका बेला संस्थापनइतर समूहले प्रक्रिया मिचिएको भन्दै आपत्ति जनाएको छ ।
पूर्णबहादुर खड्का लगायतका नेताले विधानअनुसार निर्वाचन प्रक्रिया अपनाउनुपर्ने माग गरेका छन् ।
