काठमाडौं, १३ वैशाख । नेपालका १७ देशमा राजदूत पद रिक्त रहेका छन् र नयाँ नियुक्ति प्रक्रिया अझै सुरु भएको छैन ।
पूर्ववर्ती सुशीला कार्की नेतृत्वको सरकारले ११ जना र बालेन्द्र शाह नेतृत्वको सरकारले थप ६ जना राजदूत फिर्ता बोलाएपछि पदहरू खाली भएका हुन् ।
राजदूत नियुक्ति निर्देशिका अनुसार तीन महिनाअघि नै प्रक्रिया सुरु गर्नुपर्ने भए पनि ६ महिना बित्दा पनि कुनै औपचारिक पहल देखिएको छैन ।
परराष्ट्र मन्त्रालयका अनुसार दूतावासहरू कार्यवाहक राजदूतको भरमा चलिरहेका छन्, जसले कूटनीतिक प्रभावकारितामा कमी ल्याएको छ ।
आगामी केही महिनामा थप ७ राजदूतको कार्यकाल सकिँदै छ, जसले कुल खाली पद संख्या २४ पुग्न सक्ने देखिन्छ। परराष्ट्र मन्त्रालय ले भने हालसम्म नियुक्ति प्रक्रिया सुरु नभएको जनाएको छ, यद्यपि राजनीतिक तहमा छलफल भइरहेको बताइएको छ ।
