बुटवल, १३ वैशाख । बुटवल–४ जेसिज चोक उत्तरतर्फ उच्च अदालतको अतिक्रमित सरकारी जग्गामा बनेका संरचना हटाउन आइतबार बिहानदेखि डोजर चलाइएको छ ।
बुटवल उपमहानगरपालिकाले अदालतको अनुरोधमा घरटहरा, पसल तथा विभिन्न संघसंस्थाका भवन भत्काएको हो । डोजर चल्ने सूचना पाएपछि स्थानीयले अघिल्लो रातदेखि नै सामान सारिसकेका थिए ।
वर्षौंदेखि अतिक्रमणमा परेको उक्त जग्गा खाली गराउन यसअघि प्रयास भए पनि सफल हुन सकेको थिएन ।
