काठमाडौँ, १२ वैशाख । काठमाडौँको थापाथलीस्थित बागमती नदी किनारमा रहेका सुकुम्बासी बस्ती हटाउन डोजर परिचालन गरिएको छ ।
सार्वजनिक तथा सरकारी जग्गा अतिक्रमण गरेर बनेका संरचना हटाउने क्रममा सुरुमा दुईवटा डोजर प्रयोग गरिएको छ ।
बासिन्दालाई सुरक्षित रूपमा बाहिर निकाल्न प्रहरीले सहयोग गरिरहेको छ भने सम्भावित सुरक्षा चुनौतीलाई ध्यानमा राख्दै नेपाल प्रहरी, सशस्त्र प्रहरी र नगर प्रहरीको बाक्लो उपस्थिति राखिएको छ ।
