काठमाडौं, १० वैशाख । काठमाडौं महानगरपालिकाले सुकुमवासीको स्थानान्तरणपछि उनीहरूको आधारभूत आवश्यकताको व्यवस्थापन गर्ने भएको छ ।
सहरी विकासमन्त्री सुनिल लम्सालले सरोकारवालासँग गरेको छलफलपछि शनिबार–आइतबार स्थानान्तरण गर्ने र त्यसपछिको व्यवस्थापनका उपायहरू तय गरिएको हो । सहमति अनुसार, आश्रयस्थलमा राखिएका सुकुमवासीलाई खाना, खाजा र पिउने पानीको व्यवस्था महानगरपालिकाले गर्नेछ ।
साथै, अल्पकालीन बसोबासको जिम्मेवारी पनि महानगरले नै लिनेछ । स्वास्थ्य सेवाका लागि स्वास्थ्य तथा जनसंख्या मन्त्रालय बाट मेडिकल टोली खटाइनेछ भने अन्य अत्यावश्यक सामग्री तथा आपूर्ति व्यवस्थापन सहरी विकास मन्त्रालय मार्फत गरिने जनाइएको छ।
