काठमाडौं, ११ वैशाख । पूर्वराजा ज्ञानेन्द्र शाह शुक्रबार पोखरा आइपुगेका छन् । उनको आगमनमा समर्थकहरू विमानस्थलमा भेला भई बाजागाजासहित स्वागत गरेका थिए ।
स्वागतका क्रममा केही समर्थकहरूले ‘राजा आउ, देश बचाउ’ जस्ता नाराहरू लगाउँदै आफ्नो समर्थन जनाए । लोकतन्त्र दिवसको अवसर पारेर शाह पोखरा भ्रमणमा निस्किएको हो ।
भ्रमणका क्रममा उनी पोखरास्थित नवनिर्मित सोल्टी होटलमा बस्ने कार्यक्रम रहेको छ । सुरक्षा अनुसार उनी कम्तिमा दुई हप्ता पोखरामा बस्ने योजना बनाएका छन् । यस अवधिमा उनले विभिन्न स्थानहरूको अवलोकन गर्नुका साथै स्थानीयसँग भेटघाट गर्ने कार्यक्रम रहेको बताइएको छ ।
पोखरा भ्रमण व्यवस्थापन समितिका सदस्य अर्जुन खनालका अनुसार यसपटकको भ्रमणलाई अर्थपूर्ण रूपमा हेरिएको छ र यसले राजनीतिक सन्देश पनि दिने अपेक्षा गरिएको छ ।
