काठमाडौं, १० वैशाख । मन्त्रिपरिषद्को सिफारिस अनुसार राष्ट्रपतिले संसद् अधिवेशन स्थगित गर्ने निर्णय गरेका छन् ।
बिहीबार बसेको मन्त्रिपरिषद् बैठकले अधिवेशन स्थगनका लागि राष्ट्रपति कार्यालयमा सिफारिस पठाएको थियो । उक्त सिफारिस केही समयअघि शीतलनिवास पुगेको जनाइएको हो ।
राष्ट्रपति रामचन्द्र पौडेलले सरकारको सिफारिसलाई आधार मान्दै अधिवेशन स्थगनको निर्णय गरेको राष्ट्रपति कार्यालयले जनाए । सिफारिसमा उल्लेखित विषयवस्तुअनुसार नै निर्णय गरिएको हो ।
यसअघि मन्त्रिपरिषद्कै सिफारिसमा राष्ट्रपतिले वैशाख १७ गते दिउँसो २ बजेका लागि संघीय संसद्को दुवै सदनको अधिवेशन आह्वान गरेका थिए ।
