जनकपुर, ९ वैशाख । जनकपुरस्थित मधेश प्रदेश प्रहरी कार्यालयमा डिआइजी गोबिन्द थपलियाको कार्यकक्षमै एक प्रहरी जवानले आत्महत्याको प्रयास गरेको घटनाले चर्चा पाएको छ ।
प्रारम्भिक जानकारीअनुसार प्रहरी जवान रोशन यादवले आफ्नै हात काट्ने प्रयास गरेका थिए । सोही समयमा उपस्थित एक इन्स्पेक्टरले तत्काल हस्तक्षेप गरी उनलाई जोगाएका थिए ।
यद्यपि, यस विषयमा प्रतिक्रिया दिँदै डिआइजी थपलियाले उक्त घटना सत्य नभएको दाबी गरेका छन् । उनले यस्ता आरोपहरू आधारहीन रहेको उल्लेख गर्दै केही व्यक्तिहरूले भ्रम सिर्जना गर्न खोजेको आरोपसमेत लगाएका छन् ।
घटनाबारे थप विवरण आउन बाँकी रहेको छ ।
