काठमाडौँ, ८ वैशाख । काठमाडौँमा नेपाल पत्रकार महासङ्घले सरकारी विज्ञापन केवल सरकारी सञ्चारमाध्यमलाई दिने निर्णयको विरोधमा देशव्यापी आन्दोलन घोषणा गरेको छ ।
प्रधानमन्त्री तथा मन्त्रिपरिषद्को कार्यालयको उक्त निर्णय प्रेस स्वतन्त्रता र खुला बजार सिद्धान्तविपरीत रहेको भन्दै महासङ्घले चरणबद्ध दबाबमूलक कार्यक्रम अघि बढाएको हो ।
वैशाख ९ देखि १५ सम्म विभिन्न चरणका कार्यक्रम सार्वजनिक गरिएको छ, जसमा प्रदेशस्तरमा छलफल, प्रमुख जिल्ला अधिकारीमार्फत ज्ञापनपत्र, पत्रकार सम्मेलन, सम्पादकीय ऐक्यबद्धता, सामाजिक सञ्जाल आन्दोलन तथा राष्ट्रिय-अन्तर्राष्ट्रिय संवाद समावेश छन्।
माग सम्बोधन नभए थप कडा आन्दोलन गर्ने चेतावनी पनि महासङ्घले दिएको छ ।
