काठमाडौँ, ७ वैशाख । अर्थमन्त्री डा. स्वर्णीम वाग्लेले आगामी आर्थिक वर्ष २०८३/८४ को बजेट तयारीका विषयमा विषयगत मन्त्रालयका मन्त्री र सचिवहरूसँग छलफल गरेका छन् ।
अर्थ मन्त्रालयमा सम्पन्न छलफलमा बजेटको वर्तमान अवस्था, मन्त्रालयगत प्राथमिकता र चुनौतीबारे समीक्षा गरिएको थियो ।
अर्थसचिव डा. घनश्याम उपाध्यायले बजेट व्यवस्थापन र स्रोत सहमतिका विषयमा जानकारी दिएका थिए भने सहसचिव डा. सुमन दाहालले बजेट तयारीको प्रगति प्रस्तुत गरेका थिए ।
अर्थमन्त्री वाग्लेले सार्वजनिक वित्त संकटको अवस्थामा रहेको उल्लेख गर्दै १३३० अर्ब अनिवार्य दायित्व र ११८० अर्ब राजस्वबीच सन्तुलन मिलाउँदै जनअपेक्षा सम्बोधन गर्नु चुनौतीपूर्ण रहेको बताए ।
उनले सुशासन, आर्थिक वृद्धि, निजी लगानी, पूर्वाधार विकास लगायतका आधारमा बजेट निर्माण गर्न जोड दिएका छन् ।
