काठमाडौँ, ७ वैशाख । गृहमन्त्री शुधन गुरुङले आफूमाथि लागेका आरोपबारे अनुसन्धानमा सहयोग गर्न तयार रहेको बताएका छन्।
सामाजिक सञ्जालमार्फत प्रष्टीकरण दिँदै उनले आफूले कुनै गल्ती नगरेको जिकिर गरेका छन् र पार्टीले गर्ने निर्णय स्वीकार गर्ने बताएका छन्।
व्यवसायी दिपक भट्टसँगको साझेदारी र सेयर लगानीसम्बन्धी आरोप सार्वजनिक भएपछि विवाद बढेको हो।
विपक्षी नेपाली कांग्रेसले गुरुङको राजीनामा माग गर्दै छानबिनको माग गरेको छ। गुरुङले भने आफ्नो लगानी पारदर्शी रहेको, सम्पत्ति विवरणमा उल्लेख गरिएको र बैंकिङ प्रणालीमार्फत गरिएको बताएका छन्।
उनले लगानीलाई बिचौलियापनसँग जोड्नु गलत भएको दाबी गरेका छन्। यसअघि उनले रवि लामिछाने सँग भेट गरी विषयबारे जानकारी दिएका थिए।
