काठमाडौँ, ७ वैशाख। नेपाली कांग्रेसको केन्द्रीय अनुशासन समितिले पुर्ण बहादुर खड्कालाई सोधिएको स्पष्टीकरण फिर्ता लिने तयारी गरेको छ।
आज दिउँसो ३ बजे बस्ने बैठकबाट यसबारे निर्णय हुने संकेत गरिएको छ।
अनुशासन समिति संयोजक तारा मन गुरुंगका अनुसार सर्वोच्च अदालतको फैसलापछि स्पष्टीकरणको औचित्यबारे पुनर्विचार आवश्यक भएको हो।
सभापति गगन थापाले पनि यस विषयमा छलफल अघि बढाएका छन्।
यसअघि खड्कामाथि पार्टीको लेटरप्याड दुरुपयोग गरी गलत पद उल्लेख गर्दै विज्ञप्ति जारी गरेको आरोपमा स्पष्टीकरण सोधिएको थियो।
तर सर्वोच्चको निर्णयपछि कांग्रेस नेतृत्व स्पष्टीकरण फिर्ता लिन सकारात्मक देखिएको छ।
