काठमाडौँ, ६ वैशाख । काठमाडौँमा नेपाली कांग्रेसका सभापति गगनकुमार थापाले पार्टी एकता सुदृढ बनाउन पहल थालेका छन् ।
यस क्रममा उनले गोल्फुटारस्थित निवासमा पुगेर नेता पूर्णबहादुर खड्कासँग भेटवार्ता गरेका हुन् । थापाले पार्टीभित्रका असमझदारी हटाउँदै वृहत्तर एकताका लागि वरिष्ठ नेताहरूसँग संवाद सुरु गरेको बताए ।
साथै, सर्वोच्च अदालतको निर्णयपछि पार्टीलाई एकताबद्ध बनाएर सुदृढ बनाउने अवसर आएको उल्लेख गर्दै उनले आगामी महाधिवेशनलाई सफल बनाउन सबैलाई आह्वान गरेका छन् ।
