काठमाडौं, ६ वैशाख । नेपाली कांग्रेसले संसदीय दलको नेता चयनका लागि वैशाख ८ गते निर्वाचन गर्ने तय गरेको छ ।
निर्वाचनमा सहभागी हुन उपत्यका बाहिर रहेका सांसदहरूलाई ७ गतेभित्र काठमाडौं आइपुग्न र उपत्यकामा रहेका सांसदलाई बाहिर नजान एसएमएसमार्फत आग्रह गरिएको छ ।
प्रतिनिधिसभामा ३८ सिटमा सीमित कांग्रेसले अहिलेसम्म दलको नेता चयन गर्न सकेको छैन । पूर्वसहमहामन्त्री भीष्मराज आङदेम्बेलाई सर्वसम्मत रूपमा नेता बनाउने तयारी भइरहेको छ ।
