वीरगन्ज, ६ वैशाख । पर्साको वीरगन्जमा मुख्य सडक विस्तार कार्य आइतबार बिहानदेखि सुरु गरिएको छ ।
सडक विभाग ले वीरगन्ज महानगरपालिका र स्थानीय प्रशासनको सहयोगमा १३ वटा डोजर प्रयोग गरी संरचना भत्काउन थालेको हो । पावरहाउसदेखि भन्सार क्षेत्रसम्मका मुख्य सडकलाई दायाँ–बायाँ २५-२५ मिटर फराकिलो बनाउने लक्ष्य राखिएको छ ।
यस क्रममा २९ सरकारी भवनसहित करिब १२ सयभन्दा बढी निजी संरचना प्रभावित हुनेछन् । स्थानीय प्रशासनले पूर्वसूचना दिँदै संरचना खाली गर्न आग्रह गरेको थियो भने सुरक्षा व्यवस्था कडा पारिएको छ ।
यसअघि सर्वोच्च अदालत ले सडक विस्तारको पक्षमा आदेश दिएपछि काम अघि बढाइएको हो ।
