काठमाडौँ, ५ वैशाख । काठमाडौँमा राष्ट्रिय स्वतन्त्र पार्टी -रास्वपा) का सभापति रवि लामिछानेले आइतबार दिउँसो ३:३० बजे सचिवालय बैठक बोलाएका छन् ।
प्रवक्ता मनिष झाका अनुसार बैठकमा पार्टीको सांगठनिक विस्तार र महाधिवेशन तयारी केन्द्रित ६ मुख्य एजेन्डामा छलफल हुनेछ ।
बैठकमा जिल्ला अधिवेशन कार्यविधि २०८३, महाधिवेशन कार्यविधि मस्यौदा समिति गठन, आर्थिक पारदर्शिताका लागि बैंक खाता सञ्चालन, तथा केन्द्रीय संरचनामा मनोनयनबारे निर्णय हुनेछ ।
साथै विज्ञहरूको आह्वान र योजनाहरूको आह्वान नयाँ एजेन्डाका रूपमा समेटिएका छन् । प्रतिनिधिसभा सदस्यहरूको जिम्मेवारी बाँडफाँट, केन्द्रीय समिति बैठकको तयारी र संसदीय दलका प्राविधिक तथा लेवीसम्बन्धी विषयमा पनि छलफल हुने जनाइएको छ ।
