काठमाडौं, ४ बैशाख । रोल्पाको त्रिवेणी गाउँपालिका–६ सानो भुर्तीमा एक बालकको लडेर मृत्यु भएका छन् ।
प्रहरीका अनुसार स्थानीय बालाराम ओलीका ५ वर्षीय छोरा शंकर ओली घरको आँगनमा खेल्ने क्रममा लडेर गम्भीर घाइते भएका थिए ।
आँगनमा थुपारेर राखिएको खरमा खेल्दा उनी लडेको जनाइएको छ । घाइते भएपछि उनलाई तत्काल उपचारका लागि नेर्पा स्वास्थ्य चौकी जुगार लगिएको थियो ।
तर स्वास्थ्य चौकीमा पुगेपछि चिकित्सकले उनलाई मृत घोषणा गरेका थिए । जिल्ला प्रहरी कार्यालय रोल्पाका प्रहरी उपरीक्षक तथा सूचना अधिकारी सुनिल थापा नेपालीका अनुसार घटनाबारे थप अनुसन्धान भइरहेको छ ।
