जनकपुर, १ वैशाख । जनकपुरमा सुरु गरिएको सार्वजनिक स्थल संरक्षण तथा सरसफाइ अभियान मधेश प्रदेशका सबै १३६ पालिकामा विस्तार गरिने भएको छ ।
गृह, सञ्चार तथा कानून मन्त्री फकिरा महतोले स्थानीय तह र सुरक्षा निकायको समन्वयमा सार्वजनिक सम्पत्तिको संरक्षण, अतिक्रमण हटाउने र सरसफाइलाई प्राथमिकता दिइने जानकारी दिए ।
उहाँले जनकपुरका धार्मिक तथा सांस्कृतिक सम्पदाको प्रभावकारी प्रचारप्रसारबाट पर्यटन प्रवद्र्धन भई आर्थिक विकासमा टेवा पुग्ने बताएका छन ।
साथै, प्रदेश सरकार सुशासन, पारदर्शिता र प्रभावकारी सेवा प्रवाहमा केन्द्रित रहेको समेत उल्लेख गरे ।
