पर्सा, ३० चैत । पर्साको वीरगञ्ज महानगरपालिका–९ मा प्रहरी जवान २८ वर्षीय विकास चौरसियाको हत्या भएको छ ।
धारिलो हतियार र रड प्रयोग गरी कुटपिट गर्दा घाइते भएका उनलाई अस्पताल लैजाँदै गर्दा मृत्यु भएको हो । प्रारम्भिक अनुसन्धान अनुसार विवाहेतर सम्बन्धका कारण घटना भएको देखिएको छ ।
घटनामा संलग्न सन्तोष साह, उनकी पत्नी सोनी कुमारी साहसहित चार जनालाई प्रहरीले पक्राउ गरी अनुसन्धान अघि बढाएको छ ।
मृतकको शव पोस्टमार्टमका लागि नारायणी अस्पताल पठाइएको छ ।
