काठमाडौं, ३० चैत । पूर्वराजा ज्ञानेन्द्र शाहले राजनीति र राज्य सञ्चालनमा युवाहरूको बढ्दो सहभागितालाई सकारात्मक र उत्साहजनक बताएको छ ।
नयाँ वर्ष २०८३ को अवसरमा शुभकामना सन्देश दिँदै उनले शिक्षित, प्रविधिमैत्री र देशबारे जानकार युवाको सक्रियताले राष्ट्र निर्माणमा महत्वपूर्ण योगदान पुग्ने विश्वास व्यक्त गरेको हो ।
साथै, उनले पछिल्ला वर्षहरूमा अपेक्षित विकास हुन नसकेकोप्रति चिन्ता व्यक्त गर्दै राजनीतिक परिवर्तनले ठोस उपलब्धि दिन नसकेको टिप्पणी गरेका छन् ।
उनका अनुसार देशमा धेरै प्रयोग र परिवर्तन भए पनि समग्र प्रगति सन्तोषजनक हुन सकेको छैन ।
