काठमाडौं, २९ चैत । दक्षिणकाली नगरपालिका–९ रानीमडाँडामा आइतबार कार दुर्घटना हुँदा काठमाडौंका ३४ वर्षीय सुरज खड्काको घटनास्थलमै मृत्यु भएको छ ।
हेटौंडाबाट काठमाडौंतर्फ आउँदै गरेको बा।अ।बी ५२८१ नम्बरको कार केरावारी–सितचोक नजिक अनियन्त्रित भई करिब ७ सय मिटर तल भिरमा खसेको थियो ।
इलाका प्रहरी कार्यालय फर्पिङका अनुसार दुर्घटनामा गाडी पूर्ण रूपमा क्षतिग्रस्त भएको छ। भिरालो र अप्ठ्यारो भूगोलका कारण उद्धार तथा कार निकाल्न सुरक्षाकर्मीलाई कठिनाइ भइरहेको छ ।
मृतकको शव पोस्टमार्टमका लागि अस्पताल पठाउने तयारी भइरहेको छ ।
