काठमाडौं, २५ चैत । प्रतिनिधिसभाको उपसभामुख पदका लागि निर्वाचन यही चैत २७ गते हुने भएका छन् ।
बुधबार बसेको प्रतिनिधिसभा बैठकमा सभामुख डोलप्रसाद अर्यालले निर्वाचनको मिति तोकिए रहेका जनाए । प्रतिनिधिसभा नियमावलीको नियम ७ अनुसार उपसभामुखको निर्वाचन सभामुखले तोकेको मिति र समयमा सम्पन्न गरिन्छ ।
सोही प्रावधानअनुसार चैत २७ गतेका लागि निर्वाचन तय गरिएको हो । यसअघि चैत २२ गते सम्पन्न सभामुख निर्वाचनमा अर्याल एकल उम्मेदवारका रूपमा उभिएकाले निर्विरोध निर्वाचित भएका थिए ।
सभामुख चयन भएसँगै अब उपसभामुख चयन प्रक्रिया अघि बढाइएको हो । हाल प्रतिनिधिसभामा राष्ट्रिय स्वतन्त्र पार्टीसहित ६ दलको प्रतिनिधित्व छ। २७५ सदस्यीय प्रतिनिधिसभामा राष्ट्रिय स्वतन्त्र पार्टीका १८२ सांसद रहेका छन्, जसले उसलाई निर्णायक अवस्थामा राखेको छ।
नेपाली कांग्रेसका ३८, नेकपा एमालेका २५, नेकपा का १७, श्रम संस्कृति पार्टीका ७ र राष्ट्रिय प्रजातन्त्र पार्टीका ५ सांसद रहेका छन् ।
