जनकपुर, २४ चैत । धनुषाधाम नगरपालिकाका एक सहायक कर्मचारीले नगरप्रमुखबाट आफूमाथि दुव्र्यवहार भएको आरोप लगाउँदै प्रमुख जिल्ला अधिकारीसमक्ष उजुरी दिएका छन् ।
आर्थिक प्रशासन शाखामा कार्यरत सुरेश कुमार मण्डलले कार्यालयमै गालीगलौज र हातपातको प्रयास भएको दाबी गरेका छन् । सामान्य विवाद चर्किँदा घटना भएको उनले उल्लेख गरेका छन् ।
उजुरीमा उक्त व्यवहारले आत्मसम्मानमा चोट पुगेको र कार्यालयको कार्य वातावरण प्रभावित भएको जनाइएको छ । उनले निष्पक्ष छानबिन र दोषीमाथि कारबाहीको माग गरेका छन् ।
उजुरी जिल्ला प्रशासन कार्यालय धनुषामा दर्ता भइसकेको छ भने प्रहरीले पनि छुट्टै उजुरीका आधारमा नगरप्रमुखलाई उपस्थित हुन पत्राचार गरेको जनाएको छ ।
तोकिएको समयमा उपस्थित नभए कानुनी प्रक्रिया अघि बढाइने चेतावनी दिइएको छ । घटना श्रेस्ता सम्बन्धी चाबीको विषयमा विवाद हुँदा भएको बताइएको छ । यसबीच लेखा समूह धनुषाले पनि घटनाको निन्दा गर्दै कारबाहीको माग गरेको छ । नगरप्रमुखको प्रतिक्रिया भने प्राप्त हुन सकेको छैन ।
