काठमाडौं, २२ चैत । सोबिता गौतमले वर्तमान संसद्ले देशमा रहेको कानुनी रिक्तता अन्त्य गर्न विशेष ध्यान दिनुपर्ने बताएकी छन् ।
सभामुख पदका लागि डिपी अर्यालको समर्थनमा बोल्दै उनले संसदको मुख्य जिम्मेवारी प्रभावकारी शासन सुनिश्चित गर्नु र सरकारलाई जवाफदेही बनाउनु भएको उल्लेख गरिन् ।
उनका अनुसार यसका लागि सरकार र संसदबीच मजबुत समन्वय अपरिहार्य छ । उनले संसदले युवाहरूको अपेक्षा र आकांक्षालाई सम्बोधन गर्ने खालका निर्णयहरू गर्नुपर्नेमा जोड दिइन् ।
साथै, अनावश्यक विवादमा अल्झिनु भन्दा काममुखी ढंगले अघि बढ्नुपर्ने बताउँदै सरकार र संसद दुवैले आफ्नो जिम्मेवारी इमान्दारीपूर्वक निर्वाह गर्नुपर्ने उनले बताए । यसैबीच, डिपी अर्याल सभामुख पदमा निर्विरोध निर्वाचित भएका छन् ।
