काठमाडौं, २२ चैत । सानुभाइ भनेर चिनिने युवराज गुरुङसहित १८ जनालाई प्रहरीले काठमाडौँको सामाखुसीबाट पक्राउ गरेको छ ।
प्रहरीले गुण्डागर्दी नियन्त्रणका लागि चलाएको अभियानअन्तर्गत उनीहरूलाई शनिबार राति नियन्त्रणमा लिएको हो ।
यसअघि पनि ठूलो संख्यामा व्यक्तिहरू पक्राउ परेका छन् र अहिलेसम्म १९५ जनालाई नियन्त्रणमा लिइएको प्रहरीले जनाएको छ ।
सानुभाइ यसअघि पनि पटक-पटक पक्राउ पर्दै छुट्दै आएका व्यक्ति हुन् र उनी घैँटेका सहयोगीका रूपमा चिनिँदै आएका छन्। प्रहरीले यस्तो अभियान निरन्तर जारी रहने जनाएको छ ।
