काठमाडौं, २० चैत । गृहमन्त्री सुधन गुरुङले त्रिभुवन अन्तरराष्ट्रिय विमानस्थलको स्थलगत अनुगमन गरेको छ ।
सर्वसाधारणबाट पटक–पटक गुनासो आएपछि उनी शुक्रबार साँझ आफ्नो टोलीसहित विमानस्थल पुगेको हो । विमानस्थलमा यात्रुले अनावश्यक झन्झट र सास्ती भोग्नुपरेको गुनासो बढेपछि त्यसको समाधानका लागि उनले प्रत्यक्ष अनुगमन गरेका हुन् ।
अनुगमनका क्रममा गृहमन्त्री गुरुङले सुरक्षा निकाय तथा विमानस्थलका कर्मचारीलाई सेवाग्राहीमैत्री व्यवहार अपनाउन र कुनै पनि प्रकारको अनावश्यक दुःख नदिन निर्देशन दिएका छन् ।
विदेशबाट फर्किएका नागरिकले विमानस्थलमै समस्या भोग्नुपर्ने अवस्थाको अन्त्य गर्नुपर्नेमा उनले जोड दिएको छ । साथै, सामान्य लत्ताकपडा तथा व्यक्तिगत प्रयोजनका सामानमा अनावश्यक जाँच नगर्न पनि उनले सचेत गराएका छन् ।
यात्रुका गुनासो दोहोरिन नदिन सम्बन्धित निकायलाई जिम्मेवार र सतर्क रहन उनले आग्रह गरेका छन् ।
