काठमाडौं, २० चैत । नेपाल प्रहरीले प्राविधिक समूह अन्तर्गत विभिन्न पदमा ६०७ जनाका लागि दरखास्त आह्वान गरेको छ ।
प्रहरी प्रधान कार्यालयले सूचना जारी गर्दै सूचना प्रविधि, सञ्चार, भौतिक पूर्वाधार, सवारी, विधि विज्ञान प्रयोगशाला र प्रहरी अस्पतालका लागि खुला प्रतिस्पर्धामार्फत समावेशी आधारमा पदपूर्ति गरिने जनाएको छ ।
प्राविधिक डीएसपीदेखि सहायक निरीक्षकसम्मका पदका लागि चैत २५ देखि वैशाख २४ सम्म र प्राविधिक जवानका लागि चैत २६ देखि वैशाख ३१ सम्म आवेदन दिन सकिनेछ ।
