अवैध रकम असुल्ने १६ जना प्रहरी नियन्त्रणमा

सुर्खेत, १९ चैत । यातायात व्यवस्था कार्यालय र मालपोत कार्यालयमा सेवाग्राहीको काम गरिदिने बहानामा बिचौलियाको रूपमा सक्रिय १६ जनालाई प्रहरीले पक्राउ गरेको छ ।

बिहीबार बिहान नियन्त्रणमा लिइएका उनीहरूमध्ये १० जना महिला यातायात कार्यालयबाट र ६ जना पुरुष मालपोत कार्यालयबाट पक्राउ परेका हुन् ।

उनीहरूले सवारी नवीकरण, जग्गा नामसारी लगायतका काम गरिदिने भन्दै अवैध रूपमा रकम असुल्दै आएको प्रहरीले जनाएको छ ।