सुर्खेत, १९ चैत । १६ वर्षीया इनिशा विकको शव परिवारले २७ दिनपछि बुझेका छन् ।
फागुन २३ गते मृत फेला परेकी इनिशाको शव आज भेरी पुल नजिक सम्झिघाटमा दाहसंस्कार गरिने तयारी गरिएको छ ।
प्रहरीले घटनालाई सुरुदेखि नै शंकास्पद मानेर अनुसन्धान थालेको थियो र पछि बलात्कारपछि हत्या भएको आशंकामा अनुसन्धान अघि बढाइएको जनाएको छ ।
पोस्टमार्टम, डिजिटल प्रमाण र कानूनी प्रक्रिया पूरा गर्न समय लागेकाले शव लामो समय अस्पतालमै राखिएको थियो ।
