काठमाडौंं, १८ चैत । इरानका राष्ट्रपति मसुद पेजेस्कियानले केही सर्त पूरा भएमा अमेरिका र इजरायलसँगको युद्ध अन्त्य गर्न तयार रहेको बताएका छन् ।
उनले भविष्यमा पुनः आक्रमण नहुने स्पष्ट ग्यारेन्टीलाई मुख्य सर्तका रूपमा अघि सारेका छन् । यसैबीच अमेरिकी राष्ट्रपति डोनाल्ड ट्रम्पले पनि केही हप्ताभित्र इरानसँगको सैन्य संलग्नता अन्त्य गर्न सकिने संकेत दिएका छन् ।
उनका अनुसार इरानले आणविक हतियार हासिल गर्न नसक्ने लक्ष्य हासिल भइसकेको छ । गत फेब्रुअरी अन्त्यदेखि इरान, अमेरिका र इजरायल बीचको द्वन्द्व जारी छ, जसमा हालसम्म ४,५०० भन्दा बढी मानिसको ज्यान गइसकेको बताइएको छ ।
