काठमाडौं, १८ चैत । संघीय संसद् सचिवालयको आह्वानमा आज प्रतिनिधिसभामा प्रतिनिधित्व गर्ने दलहरूको सर्वदलीय बैठक बस्दैछ ।
बैठक दिउँसो २ बजे सिंहदरबारस्थित महासचिवको कार्यकक्षमा हुने तय गरिएको छ । राष्ट्रपति रामचन्द्र पौडेलले संसद् अधिवेशन आह्वान गरेसँगै तयारीका लागि बैठक बस्न लागेको हो ।
प्रतिनिधिसभामा ६ दलको प्रतिनिधित्व रहेको छ। सभामुख चयन नहुँदासम्म ज्येष्ठ सदस्य अर्जुननरसिंह केसीले संसद् सञ्चालन गर्नेछन् ।
