सर्लाही, १७ चैत । सर्लाहीमा अवैध रूपमा सञ्चालन हुँदै आएको एक क्रसर उद्योग प्रशासनले बन्द गराएको छ ।
बसबरिया गाउँपालिका–३ कोठियारस्थित अभिनित वासिङ तथा ढुंगा क्रसर उद्योगलाई जिल्ला प्रशासन र प्रहरीले संयुक्त रूपमा कारबाही गर्दै सोमबार बन्द गराएका हुन् ।
गृह मन्त्रालयको निर्देशनपछि देशभर अवैध क्रसर उद्योग बन्द गराउने अभियानअन्तर्गत उक्त उद्योगमाथि कारबाही गरिएको हो । मापदण्डविपरीत सञ्चालन भइरहेको, दर्ता तथा नवीकरण नभएको र अनुमति नलिएको कारण देखाउँदै उद्योग बन्द गरिएको जनाइएको छ ।
यसअघि पनि पटक–पटक बन्द गराइए पनि राजनीतिक संरक्षणका कारण पुनः सञ्चालन हुँदै आएको थियो। यसपटक भने पुनः सञ्चालन रोक्न विद्युत् लाइनसमेत काटिएको छ ।
