काठमाडौं, १६ चैत । नेकपा एमालेका अध्यक्ष केपी शर्मा ओलीलाई बन्दी प्रत्यक्षीकरण रिटमार्फत तत्काल रिहा गर्न सर्वोच्च अदालतले अस्वीकार गरेको छ ।
न्यायाधीश मेघराज पोखरेलको एकल इजलासले सरकारका नाममा कारण देखाऊ आदेश मात्र जारी गरेको हो । ओलीलाई गैरकानूनी थुनामा राखिएको भन्दै उनकी पत्नी राधिकाले रिट दायर गरेकी थिइन् ।
अदालतको आदेशपछि ओलीलाई हिरासतमै राखेर अनुसन्धान अघि बढाउन प्रहरीले पाउने भएको छ । यसअघि रमेश लेखकको मुद्दामा पनि यस्तै आदेश जारी गरिएको थियो ।
