काठमाडौं, १६ चैत । प्रधानमन्त्री बालेन्द्र शाहले प्रदेशगत रूपमा सांसदहरूसँग छलफल गर्दै आवश्यक योजनाहरू तीन श्रेणीमा प्रस्तुत गर्न आग्रह गरेका छन् ।
उनले तत्काल गर्नुपर्ने, बजेटअघि गर्न सकिने र बजेटमार्फत कार्यान्वयन गर्नुपर्ने काम छुट्याएर सुझाव दिन भनेका हुन् ।
शाहले जनताले प्रत्यक्ष अनुभूति गर्ने कामलाई प्राथमिकता दिन जोड दिँदै आवश्यक परे तत्काल बजेट व्यवस्थापन गर्न सकिने बताएका छन् ।
छलफलमा अधिकांश सांसदहरूले आफ्ना आवश्यकताहरू राखेका छन् भने केहीले थप तयारीपछि प्रतिवेदन दिने बताएका छन् ।
