जनकपुर, १६ चैत । नेपाल पत्रकार महासंघको ७१औँ स्थापना दिवसको अवसरमा धनुषामा प्रभातफेरी कार्यक्रम सम्पन्न भएको छ ।
महासंघ धनुषा शाखाको आयोजनामा भएको कार्यक्रममा पत्रकारहरूको उल्लेख्य सहभागिता रहेको थियो ।
प्रभातफेरीमार्फत प्रेस स्वतन्त्रता, पेशागत एकता र जिम्मेवार पत्रकारिताको सन्देश प्रवाह गरिएको आयोजकले जनाएको छ। कार्यक्रममा विभिन्न पदाधिकारी, वरिष्ठ पत्रकार तथा सञ्चारकर्मीहरूको उपस्थिति रहेको थियो ।
सहभागीहरूले सञ्चार क्षेत्र सुदृढीकरण, प्रेस स्वतन्त्रताको संरक्षण र पत्रकार अधिकार सुनिश्चित गर्न एकजुट हुनुपर्नेमा जोड दिएका छन् ।
