काठमाडौं, १६ चैत । सुनसरीको इटहरी उपमहानगरपालिका–१३ स्थित काली मन्दिर नजिक मोटरसाइकल दुर्घटनामा एक जनाको मृत्यु भएका छन् ।
जिल्ला प्रहरी कार्यालय सुनसरीका अनुसार दुहबी नगरपालिका–९ का २२ वर्षीय विपिन चौधरीको उपचारका क्रममा मृत्यु भएको हो ।
सोमबार राति प्र १–०२–०४८ प ७९३८ नम्बरको मोटरसाइकल दुर्घटनामा परी उनी गम्भीर घाइते भएका थिए । उक्त मोटरसाइकलका चालक विप्लव चौधरी (२२), दुहबी–९ निवासी, भने सामान्य घाइते भएका छन् ।
उनको उपचार भइरहेको प्रहरीले बताए । प्रहरीका अनुसार मोटरसाइकल तीव्र गतिमा रहेका कारण दुर्घटना भएको प्रारम्भिक अनुमान गरिएको छ । घटनाबारे थप अनुसन्धान जारी रहेको जिल्ला प्रहरी कार्यालय सुनसरीले जनाए ।
