काठमाडौं , १० चैत । मकवानपुरमा इन्द्रसरोवर गाउँपालिका–३ स्थित चुत्रोघारीडाँडा जंगल क्षेत्रमा दुर्घटना हुँदा नौ वर्षीया बालिका लमिना वाइबाको मृत्यु भएको छे स्थानीय बासिन्दा वीरेन्द्र वाइबाको छोरी लमिना सोमबार घाँस काट्न जंगल गएकी थिइन् ।
लामो समयसम्म घर नफर्किएपछि परिवार र स्थानीयले खोजी थालेको थियो । खोजीका क्रममा उनी भिरबाट लडेको अवस्थामा मृत फेला परेकी हुन् । जिल्ला प्रहरी कार्यालय मकवानपुरका अनुसार घटनाबारे जानकारी प्राप्त भएपछि प्रहरी टोली घटनास्थल पुगेको थियो।
प्रारम्भिक अनुसन्धानबाट भिरबाट लडेर मृत्यु भएको देखिएको छ । प्रहरी नायब उपरीक्षक पुष्कर बोगटीले शव परीक्षणका लागि अस्पताल लैजाने तयारी भइरहेको र घटनाबारे थप अनुसन्धान जारी रहेको जनाएको हो ।
