काठमाडौँ, ्२६ फागुन । रुकुम पश्चिमको बाँफिकोट गाउँपालिका– ३ भाग्ले नजिकै सानीभेरी नदीमा मंगलबार दुई किशोरीको शव फेला परेका छन् ।
उनीहरूसँगै गएकी एक किशोरी बेपत्ता छिन् । बेपत्ता किशोरीको खोजी भइरहेको जिल्ला प्रहरी कार्यालयले बतााए । बाँफिकोट गाउँपालिका– ३ गरालागोठकी १४ वर्षीया उर्मिला ओली र १२ वर्षीया कल्पना ओलीको शव भाग्ले नजिकै सानीभेरी नदी किनारमा फेला परेको जिल्ला प्रहरीका प्रहरी निरीक्षक हरिप्रसाद पुनले जानकारी दिए ।
उनका अनुसार १२ वर्षीया सपना ओलीको खोजी भइरहेको छ । उर्मिला र कल्पनाको ५०० मिटर दूरीको अन्तरमा शव फेला परेको हो । उनीहरु हिजो छिमेकीको विवाहमा गएका थियो ।
घर फर्किने क्रममा नदीले बगाएको हुनसक्ने प्रहरीले अनुमान गरेको छ । घटनास्थलमा प्रहरी निरीक्षक पुनसहितको प्रहरी टोली र अस्थायी प्रहरी पोष्ट छिनखेतबाट प्रहरी टोली पुगेको छ । घटनाबारेअनुसन्धान भइरहेको प्रहरीले जनाएको छ ।
