चितवन, ३ फागुन । चितवनको कालिका नगरपालिका–९ मा अटो दुर्घटना हुँदा ४ जनाको मृत्यु भएको छ भने १ जना घाइते भएका छन् ।
उपरदाङढीबाट शक्तिखोरतर्फ जाँदै गरेको बा.प्र ०६–००१ ह ०३१५ नम्बरको अटो अनियन्त्रित भएर नालीमा खस्दा दुर्घटना भएको प्रहरीले जनाएको छ ।
दुर्घटनामा अटो चालक राप्ती नगरपालिका–९ का ३९ वर्षीय पूर्णबहादुर विक, राप्ती–८ की ५६ वर्षीया बिष्णुकुमारी तामाङ, राप्ती–९ की २२ वर्षीया बिनी तामाङ र सोही स्थानका ५५ वर्षीय तिलक तामाङको उपचारका क्रममा मृत्यु भएको हो ।
घाइते राप्ती–९ की ५३ वर्षीया चिनिकुमारी गुरुङको भरतपुरस्थित पुरानो मेडिकल कलेजमा उपचार भइरहेको छ ।
