जनकपुर, ७ मंसिर । धनुषामा कारले ठक्कर दिंदा श्रीमतीको मृत्यु भएको छ भने श्रीमान् गम्भीर घाइते भएका छन् ।
आज बिहान जनकपुर ढल्केबर सडक खण्ड अन्तर्गत मिथिला नगरपालिका वडा नं २ नक्टाझीज हजरा चोकस्थित जनकपुरबाट ढल्केवरतर्फ जादै गरेको बागमती प्रदेश ०१(०३१ च २०३६ नम्बरको कारले साईकलमा सवार दम्पतीलाई ठक्कर दिएको थियो ।
ठक्करबाट मिथिला नगरपालिका–१ लक्ष्मी निवासका ६० वर्षीय राजकुमार महतो गम्भीर घाइते भएका छन् भने उनकी पत्नी वर्ष ५५ का सुमित्रा देवीको घटनास्थलमै मृत्यु भएको प्रहरीले जनाएको छ ।
थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
