काठमाडौं, १९ कात्तिक । विभिन्न वामपन्थी दल र समूहबीचको नेपाली कम्युनिस्ट पार्टी एकता राष्ट्रिय सम्मेलन काठमाडौंको भृकुटीमण्डपमा जारी भएको छ ।
सम्मेलनमा नेकपा (माओवादी केन्द्र), नेकपा (एकीकृत समाजवादी), जनसमाजवादी पार्टी, नेपाल समाजवादी पार्टी, नेकपा (विप्लव समूहबाट छुट्टिएको धडा), नेकपा समाजवादी, नेकपा माओवादी समाजवादी, र नेकपा साम्यवादीबीच एकता हुन लागेको घोषणा गरिएको छ ।
कार्यक्रममा माओवादी केन्द्रसँग समाहित हुन आएका दल तथा समूहका नेताहरूले एकताको कारण, उद्देश्य र आगामी दिशाबारे आफ्ना धारणा राखिरहेका छन् ।
सभाले एकीकृत पार्टीको नाम “नेपाली कम्युनिस्ट पार्टी” राख्ने र चुनाव चिह्न “तारा” प्रस्ताव गर्ने तयारी गरेको बताए छ । पार्टी एकतासँगै केही नेताहरू भने अलग भएका छन् ।
माओवादी केन्द्रबाट जनार्दन शर्मा, राम कार्कीलगायतका नेताहरू बाहिरिएका छन् भने एकीकृत समाजवादीका घनश्याम भूसाल र रामकुमारी झाँक्री पनि एकता प्रक्रियाबाट टाढा रहेका छन् ।
तर, एकीकृत समाजवादीका वरिष्ठ नेता तथा पूर्वप्रधानमन्त्री झलनाथ खनाल भने अन्तिम क्षणमा सम्मेलनमा सहभागी भएका छन् । माओवादीका गोपाल किराँती पनि पार्टीसँगै मिसिएर एकता प्रक्रियामा सहभागी भएका छन् ।
